തിരുവനന്തപുരം: സി.പി.ഐയുടെ മന്ത്രിമാരുടെ പട്ടിക പാര്‍ട്ടി പുറത്തിറക്കി. മന്ത്രിമാര്‍ എല്ലാവരും പുതുമുഖങ്ങളാണെന്ന പ്രത്യേകതയുണ്ട്. വി.എസ് സുനില്‍കുമാര്‍,ഇ ചന്ദ്രശേഖരന്‍,പി.തിലോത്തമന്‍,കെ.രാജു എന്നിവര്‍ സി.പി.ഐയുടെ മന്ത്രിമാരാകും. ഇന്ന് തിരുവനന്തപുരത്ത് ചേര്‍ന്ന സംസ്ഥാനസമിതി യോഗത്തിലാണ് മന്ത്രിമാരുടെ പട്ടിക തയാറായത്. ഇ. ചന്ദ്രശേഖരന്‍ പാര്‍ട്ടിയുടെ നിയമസഭ കക്ഷി നേതാവാകും. മുന്‍ മന്ത്രിമാരായ സി. ദിവാകരനും മുല്ലക്കര രത്‌നാകരനും ഇത്തവണ മന്ത്രിപ്പട്ടികയില്‍ ഇല്ല.

.