തളിപ്പറമ്പ്: ദേശീയഗാനം കേള്‍ക്കുമ്പോള്‍ സ്വമേധയാ എഴുന്നേറ്റ് നില്‍ക്കുന്ന സവിശേഷമായ ശീലമുളള നമ്മുടെ സമൂഹത്തോട് വീണ്ടും എഴുന്നേല്‍ക്കാന്‍ ആവശ്യപ്പെടുന്നത് ഫാസിസമാണെന്ന് നടന്‍ അനൂപ് ചന്ദ്രന്‍. കണ്ണൂര്‍ സര്‍വകലാശാല കാംപസ് യൂനിയന്‍ മാങ്ങാട്ടുപറമ്പ് സര്‍വകലാശാല സെമിനാര്‍ ഹാളില്‍ ഉദാഘാടനം ചെയ്ത് സംസാരിക്കുകയായിരുന്നു അദ്ധേഹം. ഇതിനെ എതിര്‍ക്കുന്നവര്‍ ആരൊക്കെയെന്നും അതില്‍ എത്ര മുസ്‌ലിംകള്‍ ഉണ്ടെന്നുമാണ് ഫാസിസ്റ്റുകള്‍ തിരയുന്നതെന്നും അദ്ദേഹം കുറ്റപ്പെടുത്തി.