കൊച്ചി: കേരളത്തിലെ റേഷന്‍ ദൗര്‍ലഭ്യം പരിഹരിക്കണമെന്നാവശ്യപ്പെട്ട് കേരളാ യൂത്ത് ഫ്രണ്ട് (ജേക്കബ് വിഭാഗം) മന്ത്രിമാര്‍ക്ക് തപാല്‍ വഴി അരി അയച്ച് കൊടുത്ത് പ്രതിഷേധിച്ചു. മുഖ്യമന്ത്രിക്കും മറ്റ്മന്ത്രിമാര്‍ക്കുമാണ് അരകിലോ വീതം അരി അയച്ചുകൊടുത്തത്. സംസ്ഥാനത്ത് റേഷന്‍ വിതരണം പാടെ തകര്‍ന്നിട്ടും സര്‍ക്കാര്‍ ഇത് ഗൗരവമായി കാണുകയോ റേഷന്‍ ലഭ്യത ഉറപ്പ് വരുത്തുകയോ ചെയ്യാത്തത് ദൗര്‍ഭാഗ്യകരമാണെന്ന് സംസ്ഥാന പ്രസിഡന്റ് പ്രേംസണ്‍ മഞ്ഞമറ്റം വാര്‍ത്താ സമ്മേളനത്തില്‍ പറഞ്ഞു.