കൊളംബോ: ശ്രീലങ്കയില്‍ കഴിഞ്ഞ 25 വര്‍ഷത്തിനിടെയുണ്ടായ ഏറ്റവും കനത്ത മഴയില്‍ പ്രളയക്കെടുതിയില്‍പ്പെട്ടു മരിച്ചവരുടെ എണ്ണം 92 ആയി. മഴ പൂര്‍ണമായി ശമിച്ചിട്ടില്ല. ദുരന്തനിവാരണ അതോറിറ്റിയുടെ കണക്കുപ്രകാരം 109 പേരെ കാണാതായിട്ടുണ്ട്. ഇവര്‍ക്കായുള്ള തെരച്ചിലും രക്ഷാപ്രവര്‍ത്തനവും തുടരുകയാണ്.
കഴിഞ്ഞയാഴ്ച തുടങ്ങിയ മഴയിലും വെള്ളപ്പൊക്കത്തിലും 1,85,000 പേരെ മാറ്റിപ്പാര്‍പ്പിച്ചിരിക്കുകയാണ്. ഇവരില്‍ പലര്‍ക്കും വീടുകള്‍ നഷ്ടപ്പെട്ടിട്ടുണ്ട്.