തേഞ്ഞിപ്പലം: കാലിക്കറ്റ് സ്റ്റേഡിയത്തില്‍ നടന്ന അറുപതാമത് സംസ്ഥാന സ്‌കൂള്‍ കായികോത്സവത്തിന്റെ ജേതാക്കള്‍ക്കുളള സമ്മാന വിതരണം ഇന്നു കാലിക്കറ്റ് സെമിനാര്‍ ഹാളില്‍ നടക്കും. കായികോത്സവത്തിന്റെ സമാപന ദിവസമായ ഡിസംബര്‍ ആറിനു മുന്‍ തമിഴ്‌നാട് മുഖ്യമന്ത്രി ജയലളിതയുടെ നിര്യാണത്തെ തുടര്‍ന്നു മാറ്റിവച്ച ചടങ്ങാണ് ഇന്നു നടക്കുന്നത്.സ്പീക്കര്‍ പി ശ്രീരാമകൃഷ്ണന്‍ ചടങ്ങ് ഉദ്ഘാടനം ചെയ്യും. പ്രതിപക്ഷ ഉപ നേതാവ് പി.കെ കുഞ്ഞാലിക്കുട്ടി അധ്യക്ഷനാകും. മന്ത്രി കെ.ടി ജലീല്‍ അവാര്‍ഡ് വിതരണം നടത്തും. എം.എല്‍.എ പി.അബ്ദുല്‍ ഹമീദ്, വൈസ് ചാന്‍സലര്‍ ഡോ. കെ മുഹമ്മദ് ബഷീര്‍ പങ്കെടുക്കും.