കാക്കനാട്: വിദ്യാര്‍ത്ഥി യുവജന സമൂഹത്തിനിടയില്‍ വര്‍ദ്ധിച്ചു വരുന്ന അധാര്‍മിക പ്രവര്‍ത്തനങ്ങള്‍ക്കെതിരെ എന്നും ശബ്ദിച്ച ചരിത്രമാണ് എസ്.കെ.എസ്.എസ്.എഫിനുള്ളതെന്ന് എസ്.കെ.എസ്.എസ്.എഫ് ജില്ലാ ജനറല്‍ സെക്രട്ടറി പി.എം ഫൈസല്‍ അഭിപ്രായപ്പെട്ടു.
ഏലൂര്‍ ക്ലസ്റ്റര്‍ കണ്‍വെന്‍ഷന്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.സമൂഹത്തിന്റെ എല്ലാ മേഖലകളിലും നടത്തുന്ന ശക്തമായ ഇടപെടലുകളാണ് എസ്.കെ.എസ്.എസ്.എഫിനെ സമൂഹത്തില്‍ അനിവാര്യതയാക്കി മാറ്റിയതെന്നും അദ്ദേഹം കൂട്ടിച്ചേര്‍ത്തു.
ക്ലസ്റ്റര്‍ പ്രസിഡന്റ് സ്വാലിഹ് ഹുദവി അധ്യക്ഷത വഹിച്ചു. എസ്.ബി.വി ജില്ലാ പ്രസിഡന്റ് മുഹമ്മദ് സമീല്‍, മേഖല ജനറല്‍ സെക്രട്ടറി നൗഫല്‍ തീനാടന്‍, ട്രഷറര്‍ മുഹമ്മദ് സാദിഖ് തുടങ്ങിയവര്‍ പ്രസംഗിച്ചു.ലീഡേഴ്‌സ് കാരവന്‍ വിജയിപ്പിക്കുവാനും, മനുഷ്യ ജാലിക, മദീനപാഷന്‍, എന്നിവയുടെ പ്രചരണ സമ്മേളനവും ക്ലസ്റ്ററില്‍ സംഘടിപ്പിക്കുവാനും കണ്‍വന്‍ഷന്‍ തീരുമാനിച്ചു.
ക്ലസ്റ്റര്‍ ജനറല്‍ സെക്രട്ടറി മുനീര്‍ഷ വട്ടേക്കുന്നം സ്വാഗതവും,വൈസ് പ്രസിഡന്റ് അബ്ദുള്‍ ജബ്ബാര്‍ നന്ദിയും പറഞ്ഞു