ചേര്‍ത്തല: ഇരുപത്തിനാലാമത് മരുത്തോര്‍വട്ടം കണ്‍വെന്‍ഷന്‍ ഡിസംബര്‍ 28 മുതല്‍ ജനുവരി മാസം 1 വരെ മരുത്തോര്‍വട്ടം സെന്റ് സെബാസ്റ്റ്യന്‍സ് പള്ളി മൈതാനിയില്‍ നടക്കുമെന്ന് വികാരി ഫാ.ജോസ് പാലത്തുങ്കല്‍, ജനറല്‍ കണ്‍വീനര്‍ ജോര്‍ജ് എരയന്നം വീട് എന്നിവര്‍ വാര്‍ത്താ സമ്മേളനത്തില്‍ അറിയിച്ചു. ചങ്ങനാശ്ശേരി മൈലാടി വിന്‍സെഷ്യന്‍ ഹൗസ് ഫാ.തോമസ് അമ്പാട്ടുകുഴി നയിക്കുന്ന ബൈബിള്‍ കണ്‍വന്‍ഷന്‍ 28 ന് രാവിലെ 9 ന് ബൈബിള്‍ പ്രതിഷ്ഠ നടത്തുന്നതോടെ ആരംഭിക്കും.
മുട്ടം ഫെറോനാ വികാരി ഫ. ഡോ. പോള്‍ മാടന്‍ പ്രതിഷ്ഠാ കര്‍മ്മം നിര്‍വ്വഹിക്കും.ഫാ.ആന്റണി നരികുളം കണ്‍വെന്‍ഷന്‍ ഉദ്ഘാടനം ചെയ്യും.ചെന്നൈ ധര്‍മ്മപുരി രൂപതാ ബിഷപ്പ് മാര്‍ ലോറന്‍സ് പയസ് അനുഗ്രഹ പ്രഭാഷണം നടത്തും.
കണ്‍വെന്‍ഷന് മുന്നോടിയായി 27ന് കലവൂര്‍ കൃപാസനത്തില്‍ നിന്നും ആരംഭിക്കുന്ന തിരുവചന ജ്യോതി പ്രയാണം ഫാ.വി.പി.ജോസഫ് വലിയ വീട്ടില്‍ ഉദ്ഘാടനം ചെയ്യുമെന്നും സേവ്യര്‍ പ്ലാമൂട്ടില്‍, നിക്‌സണ്‍ .പി .തോമസ്, ജെ.ടോമി എന്നിവര്‍ പറഞ്ഞു.