കൊല്ലം: ഇന്റര്‍നാഷണല്‍ പള്‍സ് ഇയര്‍-2016ന്റെ ഭാഗമായി കൊല്ലം ശ്രീനാരായണ കോളജില്‍ ഏകദിന സെമിനാര്‍ സംഘടിപ്പിച്ചു. കാര്‍ഷിക സര്‍വകലാശാല ഫാര്‍മിങ് സിസ്റ്റംസ് മേധാവിയും പ്രൊഫസറുമായ ഡോ. എസ് റജീന ഉദ്ഘാടനം ചെയ്തു. വെള്ളായണി കാര്‍ഷിക സര്‍വകലാശാല അസി. പ്രൊഫ. ബി രഞ്ജന്‍ മുഖ്യപ്രഭാഷണം നടത്തി. ഇന്റര്‍നാഷണല്‍ പള്‍സ് ഇയറുമായി ബന്ധപ്പെട്ട് കോളജ് വിദ്യാര്‍ഥികള്‍ക്കായി ക്വിസ്, കുക്കറി, പേപ്പര്‍ പോസ്റ്റര്‍ അവതരണം തുടങ്ങി വിവിധ ഇനങ്ങളില്‍ മത്സരങ്ങള്‍ സംഘടിപ്പിച്ചു.
പയറുവര്‍ഗവിളകളുമായി ബന്ധപ്പെട്ട ഡോക്യുമെന്ററികളുടെ പ്രദര്‍ശനവും നടത്തി. പ്രിന്‍സിപ്പല്‍ ഡോ. കെ.ബി മനോജ് അധ്യക്ഷനായി. ഡോ. എസ്. ശ്രീദേവി, ഡോ. ബി ഹരി, ഡോ.എസ് ജിഷ സംസാരിച്ചു. കേരളാ ശാസ്ത്രസാങ്കേതിക പരിസ്ഥിതി കൗണ്‍സിലിന്റെ ധനസഹായത്തോടെയാണ് സെമിനാര്‍ സംഘടിപ്പിച്ചത്.