കൊല്ലം: എസ്.വൈ.എസ് സന്ദേശയാത്ര മുന്‍ ജില്ലാ ട്രഷററും ഭാഷാ പണ്ഡിതനുമായിരുന്ന ഹാജി എ സൈദ്മുഹമ്മദ് മാസ്റ്ററുടെ നിര്യാണത്തെ തുടര്‍ന്നു മാറ്റിവച്ച സുന്നി യുവജന സംഘം നബിദിന സന്ദേശയാത്ര 26ന് നടക്കും. 'ഹുബ്ബുര്‍ റസൂല്‍, ഹുബ്ബുല്‍വത്വന്‍' എന്ന പ്രയേത്തിന്‍മേല്‍ സംഘടിപ്പിക്കുന്ന സന്ദേശയാത്ര എസ്.വൈ.എസ് സംസ്ഥാന സെക്രട്ടറിയേറ്റംഗം എസ് അഹമ്മദ് ഉഖൈല്‍ നയിക്കും.
രാവിലെ 9ന് കൊല്ലൂര്‍വിള ജമാഅത്ത് മഖാമിന് മുന്നില്‍ സയ്യിദ് മുഹ്‌സിന്‍ കോയാതങ്ങള്‍ അല്‍ ഐദറുസി ബാഖവി, ജാഥാ ക്യാപ്റ്റന് പാതാക നല്‍കി ഉദ്ഘാടനം ചെയ്യും.
സമാപനസമ്മേളനം സമസ്ത കേരളാ ജംഇയ്യത്തുല്‍ ഉലമാ ജില്ലാ ജനറല്‍സെക്രട്ടറി കുളപ്പാടം ഇ ഷിഹാബുദ്ദീന്‍ ഫൈസി ഉദ്ഘാടനം ചെയ്യും. ഒ.എം ശരീഫ് ദാരിമി, അബ്ദുല്‍ വാഹിദ് ദാരിമി, എം ഷാജഹാന്‍ മുസ്‌ലിയാര്‍, മുഹമ്മദ്‌സലിം മന്നാനി, എസ്.എ നിലാമുദ്ദീന്‍ മുസ്‌ലിയാര്‍, നിസാര്‍ ഫൈസി, ഷാജഹാന്‍ കാശ്മി, പോളയത്തോട് റഹിം, പള്ളിമുക്ക് അന്‍സര്‍, മുഹമ്മദ് ഷാ, എസ് മുഹമ്മദ് സുഹൈല്‍, മുഹമ്മദ് ഉവൈസ്, എന്‍ അന്‍സാരി, സുനിമോന്‍ നേതൃത്വം നല്‍കും.