തിരൂര്‍: മലയാള സര്‍വകലാശാല വിദ്യാര്‍ഥി യൂനിയന്‍ പ്രവര്‍ത്തനങ്ങള്‍ക്കു തുടക്കമായി. 'അവാന്‍ഡ് ഗാഡ് ' എന്നു  പേരിട്ട യൂനിയന്റെ ഉദ്ഘാടനം ചിത്രകാരിയും എഴുത്തുകാരിയുമായ കബിത മുഖോപാധ്യായ ചിത്രം വരച്ചുകൊണ്ട് നിര്‍വഹിച്ചു. വൈസ് ചാന്‍സലര്‍ കെ. ജയകുമാര്‍ ആമുഖ പ്രഭാഷണം നടത്തി. നടനും ഗായകനുമായ ആര്‍.എസ് സുനിയെ ചടങ്ങില്‍ ആദരിച്ചു. യൂനിയന്‍ ചെയര്‍മാന്‍ പി.കെ സുജിത്ത് അധ്യക്ഷനായി. രജിസ്ട്രാര്‍ ഡോ. കെ.എം. ഭരതന്‍, ഡോ. രോഷ്‌നി സ്വപ്ന, യൂനിയന്‍ ജനറല്‍ സെക്രട്ടറി കെ.പി ശബരീഷ്, സി.എല്‍ സരൂപ് സംസാരിച്ചു. തുടര്‍ന്നു നാടന്‍പാട്ടും ദൃശ്യാവിഷ്‌കാരവും അരങ്ങേറി.