മേലാറ്റൂര്‍: മേലാറ്റൂര്‍ പഞ്ചായത്ത് സമസ്ത കോഡിനേഷന്‍ കമ്മിറ്റി നടത്തുന്ന നബിദിന റാലിയും കുമരംപുത്തൂര്‍ എ.പി മുഹമ്മദ് മുസ്‌ലിയാര്‍ അനുസ്മരണവും ഇന്ന് വൈകുന്നേരം 4 മണിക്ക് നടക്കും.
22 മദ്‌റസകളില്‍ നിന്നും 15 മഹല്ലുകളില്‍ നിന്നുമായി നൂറുകണക്കിനു വിദ്യാര്‍ഥികളും പ്രവര്‍ത്തകരും അണിനിരക്കുന്ന റാലി ഉച്ചാരക്കടവ് ജങ്ഷനില്‍ നിന്നും തുടങ്ങി മേലാറ്റൂര്‍ ടൗണില്‍ സമാപിക്കും. സമാപന പൊതുസമ്മേളനം സമസ്ത ജില്ലാ ജനറല്‍ സെക്രട്ടറി പി കുഞ്ഞാണി മുസ്‌ലിയാര്‍ ഉദ്ഘാടനം ചെയ്യും. പുത്തനഴി മൊയ്തീന്‍ ഫൈസി, ടി.എച്ച് ദാരിമി, ഒ.എം.എസ് മുഹമ്മദലി ശിഹാബ് തങ്ങള്‍, കെ.പി ഹംസ, സുബൈര്‍ അന്‍വരി സംബന്ധിക്കും.