വേങ്ങര: തെന്നല ഹസനിയ യതീംഖാന സില്‍വര്‍ ജൂബിലി സ്ഥാപകന്‍ തലാപ്പില്‍ മരക്കാര്‍ ഹാജിയുടെ ഖബര്‍ സിയാറത്തോടെ ഇന്ന് തുടങ്ങും. ഏഴു ദിവസം നീണ്ടു നില്‍ക്കുന്ന പരിപാടിയില്‍ മെഡിക്കല്‍ ക്യാംപ്, മത പ്രഭാഷണം, മജിലിസുന്നൂര്‍ വാര്‍ഷികം, അനുസ്മരണ സമ്മേളനം, പൂര്‍വ വിദ്യാര്‍ഥി സംഗമം, പ്രവാസി സംഗമം തുടങ്ങിയവ വിവിധ ദിവസങ്ങളില്‍ നടക്കും.
31 ന് പൊതു സമ്മേളനം പാണക്കാട് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. ഇന്ന് സി. മമ്മുട്ടി എം.എല്‍.എ, അഡ്വ. ഫൈസല്‍ ബാബു എന്നിവര്‍ സംബന്ധിക്കുമെന്ന് ഭാരവാഹികളായ കളത്തിങ്ങല്‍ ബാവ ഹാജി, ശൈഖലി ബാഖവി, പി. മരക്കാര്‍ ഹാജി, എം.കെ ജനാബുദ്ധീന്‍, എന്‍.സി ജലീല്‍, എന്‍. മുസ്തഫ, പി. കരീം മുസ്്‌ലിയാര്‍, എം.കെ നജിമുദ്ധീന്‍, എന്‍. സുബൈര്‍, കളത്തിങ്ങല്‍ ബഷീര്‍ എന്നിവര്‍ അറിയിച്ചു.