നീലേശ്വരം: കോട്ടപ്പുറം ഗവ.വൊക്കേഷണല്‍ ഹയര്‍സെക്കന്‍ഡറി സ്‌കൂള്‍ 'ദീപ്തം ഹരിതം' എന്‍.എസ്.എസ് സപ്തദിന ക്യാംപ് ഇന്നു മുതല്‍ 30 വരെ അച്ചാംതുരുത്തി രാജാസ് എ.യു.പി സ്‌കൂളില്‍ നടക്കും. ഇന്നു ഉച്ചയ്ക്കു മൂന്നിനു നീലേശ്വരം നഗരസഭാ ചെയര്‍മാന്‍ പ്രൊഫ.കെ.പി ജയരാജന്‍ ഉദ്ഘാടനം ചെയ്യും. ചെറുവത്തൂര്‍ പഞ്ചായത്ത് അംഗം കെ.പി ശ്രീജ അധ്യക്ഷയാകും.
കവി സി.എം വിനയചന്ദ്രന്‍ മുഖ്യാതിഥിയാകും. വിദ്യാര്‍ഥികള്‍ നിര്‍മിക്കുന്ന എല്‍.ഇ.ഡി ബള്‍ബുകള്‍ അച്ചാംതുരുത്തിയിലെ 420 കുടുംബങ്ങള്‍ക്കു സബ്‌സിഡി നിരക്കില്‍ വിതരണം ചെയ്യും. വിവിധ ദിവസങ്ങളിലായി നിരവധി ക്ലാസുകളും ക്യാംപിന്റെ ഭാഗമായി ഒരുക്കിയിട്ടുണ്ടെന്നു അധികൃതര്‍ വാര്‍ത്താസമ്മേളനത്തില്‍ അറിയിച്ചു.
പഞ്ചായത്ത് അംഗം കെ.പി ശ്രീജ, കെ.വി കൃഷ്ണന്‍, പി.ടി.എ പ്രസിഡന്റ് കെ.പി കമാല്‍, എസ്.എം.സി ചെയര്‍മാന്‍ ഇബ്രാഹിംപറമ്പത്ത്, സീനിയര്‍ അസിസ്റ്റന്റ് കെ പ്രശാന്ത്‌സുന്ദര്‍, കെ.സി പ്രകാശന്‍, എസ് നാരായണന്‍ സംബന്ധിച്ചു.