കോഴിക്കോട്: 71 ാമത് സന്തോഷ് ട്രോഫി നാഷനല്‍ ഫുട്‌ബോള്‍ ചാംപ്യന്‍ഷിപ്പിന്റെ സൗത്ത്‌സോണ്‍ യോഗ്യതാമത്സരങ്ങള്‍ കോഴിക്കോട്ട്് നടക്കും. ചാംപ്യന്‍ഷിപ്പില്‍ സൗത്ത് സോണില്‍ നിന്നുള്ള ടീമുകളെ നിര്‍ണയിക്കുന്ന പ്രാഥമിക റൗണ്ട് മത്സരങ്ങള്‍ 2017 ജനുവരി 5 മുതല്‍ 10 വരെ കോഴിക്കോട് കോര്‍പറേഷന്‍ സ്റ്റേഡിയത്തില്‍ നടക്കും. ഉച്ചയ്ക്ക് രണ്ടരക്കും വൈകിട്ട് നാലരയ്ക്കുമാണ് യോഗ്യതാ റൗണ്ടിലെ മത്സരങ്ങള്‍ നടക്കുക.
ജനുവരി അഞ്ചിന് നടക്കുന്ന ഉദ്ഘാടനമത്സരത്തില്‍ ആതിഥേയരായ കേരളം പോണ്ടിച്ചേരിയെയും കര്‍ണാടക ആന്ധ്രപ്രദേശുമായും മത്സരിക്കും. ടൂര്‍ണമെന്റിനുള്ള പ്രവേശനം സൗജന്യമാണ്.