പെര്‍ള: മുഴുവന്‍ പ്ലാന്റേഷന്‍ തൊഴിലാളികളേയും ബി.പി.എല്‍ ലിസ്റ്റില്‍ ഉള്‍പ്പെടുത്തണമെന്ന് റബര്‍ ആന്റ് കാഷ്യൂ ലേബര്‍ യൂനിയന്‍ (എ.ഐ.ടി.യു.സി) ജില്ലാ സമ്മേളനം സര്‍ക്കാരിനോട് ആവശ്യപ്പെട്ടു. സമ്മേളനം എ.ഐ.ടി.യു.സി ജില്ലാ പ്രസിഡന്റ് ടി കൃഷ്ണന്‍ ഉദ്ഘാടനം ചെയ്തു. യൂനിയന്‍ പ്രസിഡന്റ് സി.പി ബാബുു അധ്യക്ഷനായി. ജില്ലാ സെക്രട്ടറി കെ.എസ്.കുര്യാക്കോസ് എം കൃഷ്ണന്‍, ബിജു ഉണ്ണിത്താന്‍ സംബന്ധിച്ചു. ഭാരവാഹികളായി സി.പി ബാബു (പ്രസിഡന്റ്), കെ.എസ് കുര്യാക്കോസ് (സെക്രട്ടറി), പി നാരായണന്‍ (ട്രഷറര്‍) എന്നിവരെ തെരഞ്ഞെടുത്തു.