ന്യൂഡല്‍ഹി: ഇന്ദിരാഗാന്ധി വിമാനത്താവളത്തില്‍ ഇന്‍ഡിഗോ- സ്‌പൈസ് ജറ്റ് വിമാനങ്ങള്‍ റണ്‍വേയില്‍ നേര്‍ക്കുനേര്‍. തലനാരിഴയ്ക്കാണ് അപകടം ഒഴിവായത്.

ലക്‌നൗവില്‍നിന്നെത്തിയ ഇന്‍ഡിഗോ വിമാനവും വിമാനത്താവളത്തില്‍നിന്നു ടേക്ക് ഓഫ് ചെയ്യാനൊരുങ്ങിയ സ്‌പൈസ് ജറ്റ് വിമാനവും നേര്‍ക്കുനേര്‍ വരികയായിരുന്നുവെന്ന് ഡയറക്ടറേറ്റ് ജനറല്‍ സിവില്‍ ഏവിയേഷന്‍ അറിയിച്ചു.

എയര്‍ ട്രാഫിക്ക് കണ്‍ട്രോള്‍ ടവറില്‍വന്ന കമ്മ്യൂണിക്കേഷന്‍ തകരാറാണ് സംഭവത്തിനു കാരണമെന്നാണ് പ്രാഥമിക നിഗമനം.

ജെറ്റ് എയര്‍വേയ്‌സ് വിമാനം റണ്‍വേയില്‍നിന്നു തെന്നി; വന്‍ ദുരന്തം ഒഴിവായി

ഇന്നു രാവിലെ രണ്ടാം തവണയാണ് ഇത്തരത്തില്‍ വിമാനം വന്‍ അപകടത്തില്‍നിന്നു രക്ഷപ്പെടുന്നത്.

ഗോവയില്‍ ജെറ്റ് എയര്‍വേയ്‌സ് വിമാനം റണ്‍വേയില്‍ നിന്നു തെന്നിമാറിയിരുന്നു. ഗോവയില്‍നിന്നു  മുംബൈയിലേക്കു പുറപ്പെടാനിരുന്ന 9 ഡബ്ല്യു 2374 വിമാനമാണ് അപകടത്തില്‍പ്പെട്ടത്.