HOME
DETAILS

പരീക്ഷ നടത്തിപ്പില്‍ ക്രമക്കേട്; കേന്ദ്ര സര്‍വകലാശാല അധ്യാപകനെ സസ്‌പെന്‍ഡ് ചെയ്തു

  
backup
December 27 2016 | 18:12 PM

%e0%b4%aa%e0%b4%b0%e0%b5%80%e0%b4%95%e0%b5%8d%e0%b4%b7-%e0%b4%a8%e0%b4%9f%e0%b4%a4%e0%b5%8d%e0%b4%a4%e0%b4%bf%e0%b4%aa%e0%b5%8d%e0%b4%aa%e0%b4%bf%e0%b4%b2%e0%b5%8d%e2%80%8d-%e0%b4%95%e0%b5%8d%e0%b4%b0

കാസര്‍കോട്: കേന്ദ്ര സര്‍വകലാശാലയിലെ പടന്നക്കാട് കാംപസില്‍ നടത്തിയ പരീക്ഷയില്‍ ക്രമക്കേടുണ്ടായെന്ന ആരോപണത്തെത്തുടര്‍ന്ന് അധ്യാപകനെ സസ്‌പെന്‍ഡ് ചെയ്തു.
പടന്നക്കാട് ക്യാംപസില്‍ പ്രവര്‍ത്തിക്കുന്ന ജീനോമിക് സയന്‍സ് വിഭാഗത്തില്‍ കഴിഞ്ഞ മാസം 15നു നടത്തിയ എം.എസ്.സി പരീക്ഷയുടെ ചോദ്യ പേപ്പറില്‍ മൊബൈല്‍ നമ്പര്‍ അച്ചടിച്ചു വിതരണം ചെയ്ത സംഭവത്തിലാണ് അസി. പ്രൊഫ. ഡോ. ടോണി ഗ്രേസിനെ സസ്‌പെന്‍ഡ് ചെയ്തത്. പരീക്ഷ ഹാളില്‍ മൊബൈല്‍ ഫോണ്‍ ഉപയോഗിക്കാന്‍ പാടില്ലെന്ന നിയമം നിലവിലിരിക്കേയാണ് ഒരു അധ്യാപകന്‍ ചോദ്യപേപ്പറില്‍ സ്വന്തം മൊബൈല്‍ നമ്പര്‍ അടിച്ചു വിതരണം ചെയ്തത്. ഇതിനെതിരേ പരാതിയുമായി ഒരു കൂട്ടം വിദ്യാര്‍ഥികള്‍ ജീനോമിക് വിഭാഗം തലവനും ഡീനും വൈസ് ചാന്‍സലര്‍ക്കും പരാതി നല്‍കിയിരുന്നു. ഈ പരാതിയുടെ അടിസ്ഥാനത്തിലാണ് കണ്‍ട്രോളര്‍ ഓഫ് എക്‌സാമിനേഷന്‍സ് അന്വേഷണ വിധേയമായി ഇയാളെ സസ്‌പെന്‍ഡ് ചെയ്തത്.
മുന്‍പും പലതവണ ആരോപണ വിധേയനായ അധ്യാപകനെ വൈസ് ചാന്‍സലര്‍ സംരക്ഷിക്കുന്ന നിലപാടാണ് സ്വീകരിക്കുന്നതെന്ന ആക്ഷേപം ഉയരുന്ന സാഹചര്യത്തിലാണ് ഈ നടപടി.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."