ചുള്ളിയോട്: സംസ്ഥാന അതിര്‍ത്തി പ്രദേശമായ കക്കുണ്ടിയില്‍ ആറേക്കര്‍ വയല്‍ പ്രദേശത്തെ വൈക്കോല്‍ കത്തി നശിച്ചു. പ്രദേശവാസികളായ അലക്‌സ്, പ്രമോദ്, കുഞ്ഞന്‍, ഗോപാലന്‍ എന്നീ കര്‍ഷകരുടെ വയലില്‍ കെട്ടുകളാക്കി വെച്ചിരുന്ന വൈക്കോലാണ് തീപിടിത്തത്തില്‍ കത്തി നശിച്ചത്. സംഭവം അറിഞ്ഞ് ബത്തേരിയില്‍ നിന്നും ഫയര്‍ റസ്‌ക്യു സ്റ്റേഷനിലെ സ്റ്റേഷന്‍ ഓഫിസര്‍ ഐപ്പ് ടി.പൗലോസിന്റെ നേതൃത്വത്തില്‍ ഫയര്‍ ഫോഴ്‌സെത്തിയാണ് തീയണച്ചത്. ലക്ഷങ്ങളുടെ നഷ്ടമാണ് കണക്കാക്കുന്നത്. തീ പിടുത്തമുണ്ടായതെങ്ങനെയെന്ന് വ്യക്തമല്ല.