എടപ്പാള്‍: ശുകപുരം കുളങ്കര ഭഗവതിക്ഷേത്രത്തിലെ ഉത്സവം ജനുവരി ഒന്നിന് കൊടിയേറും.14 ദിവസത്തെ കൂത്തുത്സവങ്ങള്‍ക്കുശേഷം 15ന് ഉത്സവം ആഘോഷിക്കും.
ഒന്നിന് വിശേഷാല്‍ പൂജകളോടെ ചടങ്ങുകള്‍ക്കു തുടക്കമാകും. വൈകിട്ട് കേളി,ഏഴിന് കലാമണ്ഡലം സുരേഷ് കാളിയത്ത് അവതരിപ്പിക്കുന്ന ഓട്ടന്‍തുള്ളല്‍ എന്നിവയ്ക്കുശേഷം തന്ത്രിയുടെ സാന്നിധ്യത്തില്‍ കൊടിയേറ്റം.തുടര്‍ന്ന് തായമ്പക,കുഴല്‍പറ്റ്,പാവക്കൂത്ത് എന്നിവയും നടക്കും.15ന് ഉത്സവ ദിവസം രാവിലെ ഒന്‍പതിന് ഓട്ടന്‍തുള്ളല്‍,ഒന്നിന് നാദസ്വരം,രണ്ടണ്ടിന് പ്രമുഖര്‍ അണിനിരക്കുന്ന പഞ്ചവാദ്യം,തുടര്‍ന്ന് മേളം,വിവിധ ദേശക്കാരുടെ വരവുകള്‍,ഏഴിന് ശുകപുരം നാട്ടുകൂട്ടം ഒരുക്കുന്ന വെടിക്കെട്ട്,8.30ന് ഇരട്ടത്തായമ്പക,11ന് കൊച്ചി പാണ്ഡവാസ് മുടിക്കൂട്ടം ഒരുക്കുന്ന നാടന്‍പാട്ട്,11.30ന് കേളി,കൊമ്പ്കുഴല്‍പറ്റ്,പുലര്‍ച്ചെ 1.30ന് ആയിരത്തിരി എഴുന്നള്ളിപ്പ്,തുടര്‍ന്ന് പഞ്ചവാദ്യം,മേളം എന്നിവ പ്രത്യേക പരിപാടികളാണ്.
എല്ലാ ദിവസവും കൂത്തുമാടത്തില്‍ പാവക്കൂത്തും അരങ്ങേറും.