വൈക്കം: തോട്ടകം എന്‍.എസ്.എസ് കരയോഗം വക ഗന്ധര്‍വ്വങ്കല്‍ ക്ഷേത്രത്തിലെ ദേവസ്വം കൗണ്ടറിന്റെ പൂട്ടു പൊളിച്ച് മേശ കുത്തിത്തുറന്ന് പണവും താക്കോല്‍ക്കൂട്ടവും മോഷ്ടിച്ചു. ഗുരുനാഥന്റെ നടയില്‍ സ്ഥാപിച്ചിരുന്ന കാണിക്കവഞ്ചിയുടെ പൂട്ട് തകര്‍ത്ത് കാണിക്ക പണവും മോഷ്ടാക്കള്‍ കവര്‍ന്നു. കൗണ്ടറിന്റെ അകം മുഴുവന്‍ അലങ്കോലമാക്കി. താഴുകള്‍ ഉപയോഗ ശൂന്യമായി നിലയില്‍ തൊട്ടടുത്ത പറമ്പില്‍ നിന്നും കണ്ടുകിട്ടി. പൊലിസ് സ്ഥലത്ത് വന്ന് പരിശോധനയും നടത്തി.