തൊടുപുഴ: 2013 ലെ ഭൂമി എറ്റെടുക്കല്‍ നിയമപ്രകാരം ന്യായമായ നഷ്ടപരിഹാരത്തിനും സുതാര്യതയ്ക്കും പുനരധിവാസത്തിനും പുനസ്ഥാപനത്തിനുമുള്ള അവകാശങ്ങള്‍ സംബന്ധിച്ച് സ്വീകരിക്കേണ്ട നടപടിക്രമങ്ങളുടെ ഭാഗമായി സാമൂഹിക പ്രത്യാഘാത പഠന യൂനിറ്റുകളുടെ പാനലും സാമൂഹികപ്രത്യാഘാത പഠന റിപ്പോര്‍ട്ട് വിലയിരുത്തുന്നതിനുമുള്ള വിദഗ്ധസമിതിയും രൂപീകരിക്കുന്നു. ഇതിനായി അനൗദ്യോഗിക സാമൂഹികശാസ്ത്രജ്ഞന്‍മാരുടെയും പുനരിധിവാസ പ്രവര്‍ത്തനങ്ങളില്‍ വിദഗ്ധരായ വ്യക്തികളുടെയും പാനല്‍ രൂപീകരിക്കുന്നതിന് യോഗ്യരായ വ്യക്തികളില്‍ നിന്നും സ്ഥാപനങ്ങളില്‍ നിന്നും ജില്ലാ കലക്ടര്‍ അപേക്ഷ ക്ഷണിച്ചു. താല്‍പര്യമുളള വ്യക്തികളും സ്ഥാപനങ്ങളും രണ്ടാഴ്ചക്കകം മുന്‍പരിചയം വ്യക്തമാക്കി രേഖാമൂലമുള്ള അപേക്ഷ ജില്ലാ കലക്ടര്‍ക്ക് നല്‍കണം.