കട്ടപ്പന: കേരള പ്രവാസി സംഘം ഇടുക്കി ജില്ലാ കമ്മിറ്റിയുടെ നേതൃത്വത്തില്‍ ഏകദിന ശില്‍പശാല 29 ന് നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.
കട്ടപ്പന കൊച്ചുകുടി ഓഡിറ്റോറിയത്തില്‍ രാവിലെ 9.30 അഡ്വ. ജോയ്‌സ് ജോര്‍ജ് എം.പി ഉദ്ഘാടനം ചെയ്യും. ജില്ലയുടെ വിവിധ ഭാഗങ്ങളില്‍ നിന്നും തിരുമാനിക്കപ്പെട്ട 200 പ്രതിനിധികള്‍ പങ്കെടുക്കും. 'സംഘടനയും പ്രവാസി സഹകരണബാങ്കും' എന്ന വിഷയത്തില്‍ കെ. വിജയകുമാറും, 'നോര്‍ക്ക റൂട്ട്‌സും ആനുകൂല്യങ്ങളും' എന്ന വിഷയത്തില്‍ കെ.എല്‍ അജിത്കുമാറും, 'പ്രവാസി സ്വയംസഹായകസംഘങ്ങളും നിയമപരമായ പ്രവര്‍ത്തനങ്ങളും' എന്ന വിഷയത്തില്‍ ഇ.എം.പി അബുബക്കറും ക്ലാസെടുക്കും.
ആര്‍ ശ്രീകൃഷ്ണപിള്ള, വി.വി മത്തായി, ഇ.കെ രാജപ്പന്‍, വി.ആര്‍ സജി, ഇ.കെ ബഷീര്‍ എന്നിവര്‍ പങ്കെടുക്കും.