തൊടപുഴ: ജില്ലയില്‍ കരിങ്കല്‍ ക്വാറി സമരം ശക്തമായി തുടരുന്നതായി കരിങ്കല്‍ ക്വാറി അസോസിയേഷന്‍ ജില്ലാ പ്രസിഡന്റ് ജാഫര്‍ ആനകെട്ടിപ്പറമ്പില്‍, ഭാരവാഹികളായ ജേക്കബ് പടലുങ്കല്‍, ജോസ് പുത്തന്‍കണ്ടം, തോമസ് കൊമ്പുക്കല്‍, ജോജോ ഇടയാല്‍, പോള്‍ മാത്യു അടിമാലി എന്നിവര്‍ പറഞ്ഞു.
ചെറുകിട ക്വാറികളെ കേന്ദ്ര വനം പരിസ്ഥിതി മന്ത്രാലയത്തിന്റെ എന്‍.ഒ.സിയില്‍നിന്ന് ഒഴിവാക്കുക, വന്‍ കോര്‍പ്പറേറ്റുകളെ കൊണ്ടുവന്ന് ചെറുകിട ക്വാറികളെ ഉന്മൂലനം ചെയ്യാനുള്ള നീക്കം അവസാനിപ്പിക്കുക തുടങ്ങിയ ആവശ്യങ്ങളാണ് സമരത്തില്‍ ഉന്നയിക്കുന്നത്. സമരത്തെത്തുടര്‍ന്ന് നിര്‍മാണമേഖല തകര്‍ച്ചയിലാണ്.