വാഷിങ്ടണ്‍: അന്താരാഷ്ട്ര ആണവ വിതരണ ഗ്രൂപ്പില്‍ (എന്‍.എസ്.ജി) ഇന്ത്യയുടെ അംഗത്വത്തിന് സാധ്യത തെളിയുന്നു. പുതിയ അംഗങ്ങളെ ഉള്‍പ്പെടുത്താനുള്ള കരട രേഖ തയാറായതായി അമേരിക്കന്‍ ദേശീയ മാധ്യമങ്ങള്‍ റിപ്പോര്‍ട്ട് ചെയ്തു.

ആണവ നിര്‍വ്യാപന കരാറില്‍ ഒപ്പു വെക്കാത്ത രാജ്യങ്ങളായ ഇന്ത്യക്കും പാകിസ്താനും ഗ്രൂപ്പില്‍ അംഗത്വമെടുക്കാനാകും എന്നാണ് കരട് രേഖയില്‍ പറയുന്നത്. എന്നാല്‍ പാകിസ്താന്റെ പ്രവേശനത്തിന് ചില തടസങ്ങളുണ്ടായേക്കും.

അംഗത്വത്തിന് വേണ്ടി ഇന്ത്യ അപേക്ഷിച്ചപ്പോള്‍ അമേരിക്കയും മറ്റു യൂറോപ്യന്‍ രാജ്യങ്ങളും പിന്തുണക്കുകയും ചൈനയടക്കം ആറു രാജ്യങ്ങള്‍ എതിര്‍ക്കുകയും ചെയ്തിരുന്നു. കരട് രേഖക്ക് ഭാഗിക അംഗീകാരം ലഭിച്ചിട്ടുണ്ട്.