തിരുവനന്തപുരം: നോട്ട് നിരോധിച്ച മോദി സര്‍ക്കാരിനെതിരേ ഇന്ന് എല്‍.ഡി.എഫ് മനുഷ്യച്ചങ്ങല തീര്‍ക്കും. നോട്ട് പ്രതിസന്ധി പരിഹരിക്കണമെന്നും സഹകരണമേഖലയെ രക്ഷിക്കണമെന്നും ആവശ്യപ്പെട്ടാണ് തിരുവനന്തപുരത്ത് രാജ്ഭവന്‍ മുതല്‍ കാസര്‍കോട് വരെ മനുഷ്യച്ചങ്ങല തീര്‍ക്കുന്നത്. വൈകിട്ട് അഞ്ചിന് ദേശീയപാതയുടെ ഇടതുവശത്താണ് ചങ്ങല തീര്‍ക്കുക.

തിരുവനന്തപുരം രാജ്ഭവനു മുന്നില്‍നിന്ന് ആരംഭിച്ച് ആലപ്പുഴ വഴി തൃശ്ശൂര്‍, ചെറുതുരുത്തി, നീലിയാട്, എടപ്പാള്‍, കുറ്റിപ്പുറം വഴി കാസര്‍കോട് ടൗണ്‍ വരെയാണ് ചങ്ങല. വയനാട് ജില്ലയില്‍ ആറ് ഏരിയ കേന്ദ്രീകരിച്ചും ഇടുക്കിയില്‍ 15 ഏരിയ കേന്ദ്രീകരിച്ചും കിലോമീറ്ററുകള്‍ നീളുന്ന പ്രത്യേക മനുഷ്യച്ചങ്ങല തീര്‍ക്കും.