കോഴിക്കോട്: പ്രവാചകന്‍ മുഹമ്മദ് നബിയുടെ ജന്മദിനം അന്താരാഷ്ട്ര തലത്തില്‍ തന്നെ ആഘോഷിക്കുകയാണെന്നും അതിനോട് മുഖം തിരിഞ്ഞ് നില്‍ക്കുന്നവര്‍ അവഗണിക്കപ്പെടുമെന്നും സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ. കെ.ആലിക്കുട്ടി മുസ്‌ലിയാര്‍. ഹുബ്ബുര്‍റസൂല്‍ ഹുബ്ബുല്‍ വതന്‍ എന്ന പ്രമേയത്തില്‍ സുന്നി യുവജന സംഘം നടത്തുന്ന മീലാദ് കാംപയിനിന്റെ സമാപനത്തിന്റെ ഭാഗമായി കോഴിക്കോട്ട് നടന്ന മീലാദ് സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. അറബ് ലോകത്തും പുറത്തും പ്രവാചക ജന്മദിനം അത്യുത്സാഹത്തോടെയാണ് ആഘോഷിക്കുന്നത്. മുസ്‌ലിംകള്‍ ഇന്ന് നേരിട്ടു കൊണ്ടിരിക്കുന്ന പ്രതിസന്ധികളെ നേരിടാന്‍ ആഗോളതലത്തില്‍ തന്നെ ഒന്നിക്കണമെന്നും അദ്ദേഹം പറഞ്ഞു.
വൈകിട്ട് മൂന്നിന് നടന്ന മൗലിദ് പാരായണത്തിന് സമസ്ത മുശാവറ അംഗം എ.വി അബ്ദുറഹിമാന്‍ മുസ്‌ലിയാര്‍ നേതൃത്വം നല്‍കി. ആര്‍.വി കുട്ടിഹസന്‍ ദാരിമി, അബുഹാജി രാമനാട്ടുകര, അബ്ദുല്‍ ഹസന്‍ ദാരിമി, എന്‍ജിനിയര്‍ മാമുക്കോയഹാജി, സി.എസ്. കെ തങ്ങള്‍, ഹസന്‍ സഖാഫി പൂക്കോട്ടൂര്‍, അണ്ടേണ്ടാണ അബ്ദുല്‍ബാരി ബാഖവി പങ്കെടുത്തു. തുടര്‍ന്ന് നടന്ന പ്രാര്‍ഥനയ്ക്ക് ചേലക്കാട് മുഹമ്മദ് മുസ് ലിയാര്‍ നേതൃത്വം നല്‍കി. മീലാദ് സമ്മേളനത്തിത്തില്‍ സയ്യിദ് മുഹമ്മദ് കോയ തങ്ങള്‍ ജമലുല്ലൈലി അധ്യക്ഷത വഹിച്ചു. സിംസാറുല്‍ ഹഖ് ഹുദവി പ്രമേയ പ്രഭാഷണം നടത്തി. സലിം എടക്കര, മുസ്തഫ മുണ്ടണ്ടുപാറ സംസാരിച്ചു.
തുടര്‍ന്നു നടന്ന ആദര്‍ശ സമ്മേളനം സമസ്ത ട്രഷറര്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്തു. വിവിധ വിഷയങ്ങളില്‍ നാസര്‍ ഫൈസി കൂടത്തായി, റഹ്മത്തുല്ല ഖാസിമി മുത്തേടം, എം. ടി അബൂബക്കര്‍ ദാരിമി സംസാരിച്ചു. ഉമര്‍ ഫൈസി മുക്കം അധ്യക്ഷത വഹിച്ചു. ഹാജി കെ മമ്മദ് ഫൈസി സ്വാഗതവും കെ മോയിന്‍കുട്ടി മാസ്റ്റര്‍ നന്ദിയും പറഞ്ഞു.