മേപ്പയ്യൂര്‍: ആര്‍.എസ്.എസ് ജനാധിപത്യത്തെയുംമതേതരത്വത്തെയും തകര്‍ക്കുന്നുവെന്ന് സി.പി.എം കണ്ണൂര്‍ ജില്ലാസെക്രട്ടറി പി. ജയരാജന്‍ പറഞ്ഞു. ഇബ്രാഹീമിന്റെ 29ാം രക്തസാക്ഷി വാര്‍ഷികത്തോടനുബന്ധിച്ച് മേപ്പയ്യൂര്‍ ടൗണില്‍ നടന്ന പൊതുസമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കെ. കുഞ്ഞിരാമന്‍ അധ്യക്ഷനായി. സി.പി.എം ജില്ലാസെക്രട്ടറി പി. മോഹനന്‍, സംസ്ഥാന കമ്മിറ്റി അംഗം എ.കെ രാധ, ഏരിയാ സെക്രട്ടറി എന്‍.പി ബാബു, കെ.ടി രാജന്‍, കെ. രാജീവന്‍, കെ.കെ രാഘവന്‍, പി.പി രാധാകൃഷ്ണന്‍ സംസാരിച്ചു.