മാവൂര്‍: ബി.ആര്‍.സിയുടെ ആഭിമുഖ്യത്തില്‍ മാവൂര്‍ ജി.എം.യു.പി സ്‌കൂളില്‍ നടന്ന ഭിന്നശേഷിക്കാരുടെ ദ്വിദിന ക്യാംപ് 'നിറച്ചാര്‍ത്ത് ' ഭിന്നശേഷിക്കാരുടെ കലാവിഭവശേഷി പ്രദര്‍ശനവേദിയായി. കരവിരുത്, കഥയരങ്ങ്, വര്‍ണക്കൂട്, കണ്ടെത്താം രസിക്കാം, അരങ്ങ് എന്നീ അഞ്ചുവേദികളിലായി നടന്ന ക്യാംപില്‍ മാവൂര്‍ ബി.ആര്‍.സിക്കു കീഴിലെ അഞ്ചു പഞ്ചായത്തുകളില്‍നിന്നുള്ള പൊതുവിദ്യാലയങ്ങളിലെ ഭിന്നശേഷിക്കാരായ വിദ്യാര്‍ഥികളും അവരുടെ രക്ഷിതാക്കളുമാണു പങ്കെടുത്തത്.
സമാപന ചടങ്ങ് ഗ്രാമപഞ്ചായത്ത് വൈസ് പ്രസിഡന്റ് വളപ്പില്‍ റസാഖ് ഉദ്ഘാടനം ചെയ്തു. വാര്‍ഡ് മെമ്പര്‍ സുബൈദ കണ്ണാറെ സമ്മാനദാനം നിര്‍വഹിച്ചു. എന്‍. അജയകുമാര്‍ അധ്യക്ഷനായി. എം. മധു മാസ്റ്റര്‍, നാസര്‍ വളപ്പില്‍, വേണുഗോപാല്‍ പ്രസംഗിച്ചു. ടി.കെ റിയാസ് സ്വാഗതവും അബ്ദുല്ല മാസ്റ്റര്‍ നന്ദിയും പറഞ്ഞു.