ന്യൂഡല്‍ഹി: ഡിജിറ്റല്‍ ഇടപാടുകള്‍ എളുപ്പത്തിലാക്കാന്‍ മൊബൈല്‍ ആപ്പ് പുറത്തിറക്കുമെന്ന് പ്രധാനമന്ത്രി നരേന്ദ്രമോദി. ട്വിറ്ററിലൂടെയാണ് അദ്ദേഹം ഇക്കാര്യം അറിയിച്ചത്. ജനങ്ങള്‍ക്ക് വളരെ ഉപകാരപ്രദമാകുന്ന ആപ്പായിരിക്കും ഇതെന്നും അദ്ദേഹം അറിയിച്ചു.

I will launch a Mobile App which will enable easier digital payments & transactions. The App will immensely benefit our citizens.

— Narendra Modi (@narendramodi) December 30, 2016

'എളുപ്പത്തില്‍ ഇടപാടുകള്‍ നടത്തുവാനും പണം കൈമാറുവാനും സഹായിക്കുന്ന ഒരു മൊബൈല്‍ ആപ്പ് ഞാന്‍ പുറത്തിറക്കും. സാമ്പത്തിക ഇടപാടുകള്‍ എളുപ്പത്തിലാക്കാന്‍ ഈ ആപ്പ് ജനങ്ങളെ സഹായിക്കും- മോദി ട്വിറ്ററില്‍ കുറിച്ചു.

നോട്ട് അസാധുവാക്കിയതിനെ തുടര്‍ന്നുണ്ടായ പ്രശ്‌നങ്ങള്‍ പരിഹരിക്കാന്‍ പ്രധാനമന്ത്രി ആവശ്യപ്പെട്ട അന്‍പത് ദിവസത്തെ സമയപരിധി ഇന്നോടെ അവസാനിക്കുകയാണ്.