ജനീവ: സ്വിസ് ആല്‍പ്‌സിലെ ആഡംബര ഹോട്ടലില്‍ തീപ്പിടുത്തം. സംഭവത്തില്‍ 12 ഓളം പേര്‍ക്ക് പരുക്കേറ്റു. പരുക്കേറ്റവരില്‍ രണ്ടു പേരുടെ നില ഗുരുതരമാണ്. ഇന്നലെ പ്രാദേശിക സമയം നാലുമണിക്കായിരുന്നു സംഭവം. റിസോര്‍ട്ട് നഗരമായ ഡാവൂസിലെ ഹോട്ടിലിലാണ് തീപ്പിടുത്തമുണ്ടായത്.

ഗുരുതരമായി പരുക്കേറ്റവരെ ചറിലെ ആശുപത്രിയില്‍ പ്രവേശിപ്പിച്ചതായി പൊലിസ് അറിയിച്ചു. ഹോട്ടലിലുണ്ടായിരുന്ന മുഴുവന്‍ പേരെയും ഒഴിപ്പിച്ചു. ഹോട്ടലില്‍ അഗ്നിക്കിരയായതിനാല്‍ അന്തരീക്ഷത്തില്‍ ശക്തമായ പുകയുണ്ട്. അതിനാല്‍ സമീപപ്രദേശങ്ങളിലുള്ളവരോട് പുറത്തിറങ്ങരുതെന്ന് അധികൃതര്‍ ആവശ്യപ്പെട്ടിട്ടുണ്ട്.