ഡിബ്രൂഗഡ്: യുവാക്കള്‍ മദ്യത്തിനും മയക്കുമരുന്നിനും അടിപ്പെട്ടുപോകുന്നതിനെതിരേ സൈന്യത്തിന്റെ നേതൃത്വത്തില്‍ സദ്ഭാവന എന്ന പേരില്‍ പ്രത്യേക ക്യാംപ് സംഘടിപ്പിച്ചു. അസമിലെ ദുലിയാജന്‍ സൈനിക ക്യാംപ് കേന്ദ്രീകരിച്ച് സംഘടിപ്പിച്ച പരിപാടിയില്‍ നൂറുകണക്കിന് നാട്ടുകാര്‍ പങ്കെടുത്തു.
പരിപാടിയില്‍ യുവാക്കള്‍ മയക്കുമരുന്നിനും മദ്യത്തിനും അടിപ്പെട്ടുപോകുന്നതിനെതിരേ ബോധവത്കരണ ക്ലാസുകളും സൈന്യം നടത്തി.
ഭീകരവാദപ്രവര്‍ത്തനം സജീവമായ മേഖലകളിലേക്ക് നേരത്തെ തന്നെ സദ്ഭാവന ക്യാംപ് നടത്തുന്നുണ്ട്. പുതുവര്‍ഷത്തില്‍ ഇത് കൂടുതല്‍ ശക്തിപ്പെടുത്തുന്നതിനുള്ള പ്രവര്‍ത്തനങ്ങള്‍ക്ക് പ്രാധാന്യം നല്‍കുമെന്നും സൈനിക വക്താവ് അറിയിച്ചു. ഗ്രാമീണ മേഖലകളില്‍ അടിസ്ഥാന സൗകര്യങ്ങള്‍ വികസിപ്പിക്കുന്നതുള്‍പ്പെടെയുള്ള നടപടികള്‍ക്കും സൈന്യം നേതൃത്വം നല്‍കാന്‍ തീരുമാനിച്ചിട്ടുണ്ട്.