എടച്ചേരി: വീട്ടുവരാന്തയിലും മുറ്റത്തും രക്തം പടര്‍ന്നത് നാട്ടുകാരെ ഭീതിയിലാഴ്ത്തി. കാര്‍ത്തികപ്പളളി പരിസരത്തെ രണ്ടു വീടുകളിലാണ് മുറ്റത്തു രക്തം കണ്ടത്. നമ്പര്‍ വണ്‍ യു.പി സ്‌കൂളിനു സമീപമുള്ള കോഴിപ്പറമ്പത്ത് വിനോദന്റെ വീട്ടുവരാന്തയിലും തൊട്ടടുത്തുള്ള വീടിന്റെ മുറ്റത്തും രക്തം കണ്ടു. വീട്ടുമുറ്റത്തു നായയുടെ കാലടയാളം പതിഞ്ഞതായും കാണപ്പെട്ടു. വീട്ടുകാര്‍ വിവരമറിയിച്ചതനുസരിച്ച് എടച്ചേരി പൊലിസ് സംഭവസ്ഥലത്തെത്തി വിവരങ്ങള്‍ ശേഖരിച്ചു. രക്തത്തിന്റെ സാമ്പിള്‍ ഫോറന്‍സിക് പരിശോധനയ്ക്ക് അയച്ചിട്ടുണ്ടെന്ന് പൊലിസ് അറിയിച്ചു.