എടപ്പാള്‍: മതസൗഹാര്‍ദ സന്ദേശം പകര്‍ന്ന് ഈ വര്‍ഷവും കുറ്റിപ്പുറം മിനിപമ്പ അന്നദാന ക്യാംപിലേക്കു പൊന്നാനിയില്‍നിന്ന് അരിയെത്തി.
പൊന്നാനി വലിയ ജുമാ മസ്ജിദ് പരിപാലന കമ്മിറ്റി പ്രസിഡന്റ് വി.സെയ്ത് മുഹമ്മദ് തങ്ങളുടെ നേതൃത്വത്തിലുള്ള സംഘമാണു ശബരിമല തീര്‍ഥാടകരുടെ ഇടത്താവളമായ കുറ്റിപ്പുറം മിനിപമ്പയിലെ അയ്യപ്പസേവാ സംഘത്തിന്റെ അന്നദാന ക്യാംപിലേക്കു നാലു ചാക്ക് അരി സംഭാവനയായി നല്‍കിയത്. കെ.മുഹമ്മദ് കാസിം കോയ, ടി.കെ.അഷറഫ്, എ.അബ്ദുല്‍ ലത്തീഫ്, കെ.ഹബീബ് എന്നിവരും സംഘത്തിലുണ്ടണ്ടായിരുന്നു.
സംഘത്തെ അയ്യപ്പസേവാ സംഘം സംസ്ഥാന പ്രസിഡന്റ് സി.ഹരിദാസിന്റെ നേതൃത്വത്തില്‍ സ്വീകരിച്ചു.