കോഴിക്കോട്: തരുവണ പുലിക്കാട് വച്ച് യുവപണ്ഡിതനും എസ്.കെ.എസ്.എസ് . എഫ് സ്പീക്കേഴ്‌സ് ഫോറം സംസ്ഥാന കണ്‍വീനറുമായ മുഹമ്മദ് റഹ്മാനിയെ വധിക്കാന്‍ ശ്രമിച്ച കേസിലെ പ്രതികളെ സംരക്ഷിക്കാന്‍ പൊലിസ് ശ്രമിക്കുകയാണെന്ന് എസ് .കെ.എസ്.എസ്.എഫ് സംസ്ഥാന ജനറല്‍ സെക്രട്ടറി സത്താര്‍ പന്തലൂര്‍ ആരോപിച്ചു. പ്രാദേശിക തലത്തിലുള്ള തര്‍ക്കം ഒത്തുതീര്‍പ്പാക്കാനുള്ള ചര്‍ച്ചക്കെന്ന പേരില്‍ അദ്ദേഹത്തെ മദ്‌റസയിലേക്ക് വിളിച്ച് വരുത്തി മാരകായുധങ്ങളുമായി ക്രൂരമായി മര്‍ദിക്കുകയായിരുന്നു. പരാതി നല്‍കിയിട്ടും അക്രമം നടത്തിയവര്‍ക്കെതിരേ നിസാര വകുപ്പുകള്‍ ചേര്‍ത്ത് കേസെടുക്കുക മാത്രമാണ് പൊലിസ് ചെയ്തത്.
ആഴ്ചകളായി ചികിത്സയില്‍ കഴിയുകയാണ് അദ്ദേഹം.അക്രമികള്‍ക്കെതിരേ ശക്തമായ നടപടി സ്വീകരിച്ചില്ലെങ്കില്‍ ബഹുജന പ്രക്ഷോഭവുമായി രംഗത്തുവരുമെന്ന് സത്താര്‍ പന്തലൂര്‍ മുന്നറിയിപ്പ് നല്‍കി.