നിലമ്പൂര്‍: ഒരു തെങ്ങിലെ രണ്ടു പട്ടയില്‍ നാലു കുലകളുമായി അപൂര്‍വ കാഴ്ച. കരുളായി വലമ്പുറം കീരിപടവില്‍ തോമസിന്റെ വീട്ടുമറ്റത്തെ തെങ്ങിലാണ് ഒരു പട്ടയില്‍ രണ്ടുകുലകളുമായി അപൂര്‍വ കാഴ്ചയാവുന്നത്. ഒരു പട്ടയില്‍ ഒരു കുല മാത്രമാണ് സാധാരണയായി ഉണ്ടാവാറുള്ളത്.
വീട്ടുമുറ്റത്തെ തെങ്ങിന്റെ ഒരു പട്ടയില്‍ ഉണ്ടായ കുലയില്‍ 18ഉം, രണ്ടാമത്തെ കുലയില്‍ എട്ടും നാളികേരം ഉണ്ട്. മറ്റൊരു പട്ടയില്‍ 11 നാളികേരം ഉണ്ട്. 20വര്‍ഷം പ്രായമായ തെങ്ങിന്റെ തലപ്പ് വളഞ്ഞ നിലയിലാണ്.

തോമസിന്റെ വീട്ടുമറ്റത്തെ തെങ്ങിലെ അപൂര്‍വ കുലകള്‍ കാണാന്‍ നിരവധി ആളുകളാണ് എത്തുന്നത്. സംഭവമറിഞ്ഞ് കൃഷിവകുപ്പ് അധികൃതരും തെങ്ങ് കാണാനെത്തി.