തൊടുപുഴ: നഗര മധ്യത്തില്‍ അടച്ചിട്ടിരുന്ന വീടിന് തീപിടിച്ചു. ഇന്നലെ രാവിലെ 10 മണിയോടെ ആനക്കൂട് കവലയ്ക്ക് സമീപം ചെറുപറമ്പില്‍ ജോസിന്റെ വീടിനാണ് തീപിടിച്ചത്.
5 ലക്ഷം രൂപയുടെ നാശനഷ്ടം കണക്കാക്കുന്നു. ഷോര്‍ട്ട് സര്‍ക്യൂട്ടാണ് കാരണമെന്ന് സൂചനയുണ്ട്. രാവിലെ 8.30 ഓടെ റിട്ട.സെയില്‍ ടാക്‌സ് ഓഫിസര്‍കൂടിയായ ജോസ് വീട് പൂട്ടി പുറത്ത് പോയിരുന്നു. തീപടരുന്നതായി സമീപവാസികള്‍ വിളിച്ചറിയിച്ചതിനെ തുടര്‍ന്നാണ് ജോസ് തിരിച്ചെത്തിയത്. ഫയര്‍ഫോഴ്‌സ് സംഘം ഏറെ നേരം പരിശ്രമിച്ചാണ് തീ അണച്ചത്.
4000 സ്‌ക്വയര്‍ ഫീറ്റിലുള്ള രണ്ട് നിലവീടിനാണ് തീപിടിച്ചത്. മുന്‍വശത്തെ ഹാളിലെ ടി വി, സോഫാസെറ്റ്, ഫാന്‍, വയറിങ് എന്നിവ പൂര്‍ണ്ണമായും കത്തി നശിച്ചു. ചുമരുകള്‍ക്കും ഉപകരണങ്ങള്‍ക്കും പുകയടിച്ച് നാശം സംഭവിച്ചിട്ടുണ്ട്.