ആലപ്പുഴ:സംസ്ഥാന ഫിഷറീസ് വകുപ്പ് നടപ്പാക്കുന്ന കോംപ്രഹെന്‍സീവ് ഭവന നിര്‍മാണ പദ്ധതി, എന്‍.എഫ്.ഡബ്ല്യൂ.എഫ്. ഭവന നിര്‍മ്മാണം, എന്‍.എഫ്.ഡബ്ല്യൂ.എഫ്. ഭവന പുനരുദ്ധാരണം, കോളനി നവീകരണം, സാനിറ്റേഷന്‍ എന്നീ പദ്ധതിയിലേയ്ക്ക് നറുക്കെടുപ്പിലൂടെ തെരഞ്ഞെടുക്കപ്പെട്ട ഗുണഭോക്താക്കളുടെ പട്ടിക പ്രസിദ്ധീകരിച്ചു.
പദ്ധതികളില്‍ ഉടമ്പടി വയ്ക്കാത്ത ഗുണഭോക്താക്കള്‍ക്ക് ജനുവരി 11,12,13 തീയതികളില്‍ അതത് മത്സ്യഭവനുകളില്‍ ബന്ധപ്പെട്ട രേഖകള്‍ സഹിതം എത്തി ഉടമ്പടി വയ്ക്കാം.
അല്ലാത്ത പക്ഷം വെയിറ്റിങ് ലിസ്റ്റിലുള്ള ഗുണഭോക്താക്കളെ പരിഗണിക്കും. വിശദവിവരങ്ങള്‍ക്ക് ഫോണ്‍: 0477-2251103.