പാനൂര്‍: തൂവക്കുന്ന് യമാനിയ്യ ഹിഫഌല്‍ ഖുര്‍ആന്‍ ആന്റ് ഇസ്‌ലമിക് അക്കാദമിയുടെ പത്താം വാര്‍ഷിക നാലാം സനദ്ദാന സമ്മേളനത്തിന് നാളെ തുടക്കം കുറിക്കും. പ്രാരംഭം, ഉദ്‌ബോധനം, ആത്മീയം, അനുസ്മരണം, ആദര്‍ശം, വെളിച്ചം, സമാപനം തുടങ്ങി വിവിധ സെഷനുകളിലായി ഏഴു ദിവസങ്ങളിലായിട്ടാണ് സമ്മേളനം നടക്കുന്നത്. വൈകിട്ട് അഞ്ചു മണിക്ക് സ്വാഗതസംഘം ചെയര്‍മാന്‍ പാലത്തായി മൊയ്തു ഹാജി പതാക ഉയര്‍ത്തി തുടക്കം കുറിക്കും. എട്ടു മണിക്ക് ആരംഭിക്കുന്ന സമ്മേളനം സമസ്ത സെക്രട്ടറി പി.പി ഉമര്‍ മുസ്‌ലിയാര്‍ കൊയ്യോട് ഉദ്ഘാടനം ചെയ്യും. പറമ്പത്ത് അബ്ദുറഹ്മാന്‍ അധ്യക്ഷനാവും. വിവിധ ദിവസങ്ങളിലായി ശൈഖുന സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍, ചേലക്കാട് മുഹമ്മദ് മുസ്‌ലിയാര്‍, വില്യാപ്പള്ളി ഇബ്രാഹിം മുസ്‌ലിയാര്‍, ടി.എസ് ഇബ്രാഹിം മുസ്‌ലിയാര്‍, ടി.പി.സി തങ്ങള്‍ വാണിമേല്‍, അന്‍വറലി ഹുദവി ആക്കപ്പറമ്പ്, ഖലീല്‍ ഹുദവി കാസര്‍കോഡ്, എ.എം നൗഷാദ് ബാഖവി ചിറയിന്‍കീഴ്, മുസ്തഫ ഹുദവി ആക്കോട്, അഹ്മദ് തേര്‍ളായി, റഹ്മതുല്ലാഹ് ഖാസിമി മൂത്തേടം, അബ്ദുല്‍ അസീസ് ദാരിമി കെല്ലൂര്‍ സംബന്ധിക്കും. ബുധനാഴ്ച വൈകീട്ട് സമാപന സമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. അത്തിപ്പറ്റ ഉസ്താദ് പ്രാര്‍ഥന നടത്തും. സമസ്ത ജനറല്‍ സെക്രട്ടറി പ്രൊഫസര്‍ കെ ആലിക്കുട്ടി മുസ്‌ലിയാര്‍ ലൈബ്രറി ഉദ്ഘാടനവും അവാര്‍ഡ് ദാനവും നിര്‍വഹിക്കും. അബ്ദുസ്സമദ് പൂക്കോട്ടൂര്‍ മുഖ്യപ്രഭാഷണം നിര്‍വഹിക്കും. ചടങ്ങില്‍ ഇരുപതോളം ഹാഫിളുകള്‍ സനദ് ഏറ്റുവാങ്ങും.