കളമശേരി: ഒരു വൃക്ക പൂര്‍ണമായും അടുത്ത വൃക്ക ഭാഗികമായും പ്രവര്‍ത്തനരഹിതമായ ഒരു വയസ്സുകാരന്‍ ചികിത്സക്കായി കാരുണ്യമതികളുടെ സഹായം തേടുന്നു. പള്ളിലാംകര പരപ്പത്ത് വാടകയ്ക്കു താമസിക്കുന്ന രതീഷിന്റെ മകന്‍ നീരജാണ് സഹായം തേടുന്നത്. ഭാഗികമായി പ്രവര്‍ത്തിക്കുന്ന വൃക്കയില്‍ നിന്നു ശസ്ത്രക്രിയയിലൂടെ ട്യൂബിട്ട് മാത്രം വെളിയില്‍ പോകുന്ന അവസ്ഥയാണിപ്പോള്‍. അടിയന്തരമായി 24ന് ശസ്ത്രക്രിയ നടത്തേണ്ടതുണ്ട്. നാലുലക്ഷം രൂപയോളം ചെലവു വരുമെന്നാണ് ഡോക്ടര്‍മാര്‍ അറിയിച്ചിട്ടുള്ളത്. ഈ ഭാരിച്ച തുക കണ്ടെത്താന്‍ കൂലിപ്പണിയെടുത്ത് കുടുംബം പുലര്‍ത്തുന്ന രതീഷിന് കഴിയുന്നില്ല. നീരജിന്റെ ചികിത്സയ്ക്കുള്ള പണം കണ്ടെത്തുന്നതിന് ജബ്ബാര്‍ പുത്തന്‍വീടന്‍ ചെയര്‍മാനും എ.എം അബ്ദുള്‍ റഷീദ് ജനറല്‍ കണ്‍വീനറുമായി നീരജ് ജീവന്‍ രക്ഷാനിധി എന്ന പേരില്‍ ചികിത്സാ സഹായനിധി രൂപീകരിച്ചു.
യൂനിയന്‍ ബാങ്കിന്റെ കളമശേരി ശാഖയില്‍ അക്കൗണ്ടും തുറന്നു. അക്കൗണ്ട് നമ്പര്‍: 550402010015186. ഐ.എഫ്.എസ്.സി കോഡ്: യു.ബി.ഐ.എന്‍ 0555045. ഫോണ്‍: 9895799294, 9847987232.