തിരുവനന്തപുരം: എസ്.വൈ.എസ് സംസ്ഥാന കമ്മിറ്റി പ്രഖ്യാപിച്ച ഹുബ്ബുര്‍ റസൂല്‍ ഹുബ്ബുല്‍ വത്വന്‍ മീലാദ് കാംപയിന്‍ സമാപനസമ്മേളന പ്രചാരണം കൊല്ലം ജില്ലയില്‍ ശക്തമായി നടക്കുന്നു.
വിവിധ കേന്ദ്രങ്ങളില്‍ കണ്‍വന്‍ഷനുകളും സ്‌ക്വാഡ് പ്രവര്‍ത്തനങ്ങളും ഗൃഹസമ്പര്‍ക്ക പരിപാടികളും സജീവമായി നടക്കുകയാണ്. കരുനാഗപ്പള്ളി കൊല്ലൂര്‍വിള, അഞ്ചല്‍, നെടുമ്പന, കരുവ മേഖലകളിലും പ്രവര്‍ത്തനങ്ങള്‍ സജീവമാണ്.
കരുവ നിബ്രംസുല്‍ ഇസ്‌ലാം മദ്രസാ ഹാളില്‍ കൂടിയ യോഗത്തില്‍ സമസ്ത കേരളാ ജംഇയ്യത്തുല്‍ മുഅല്ലിമീന്‍ കരുവാ റെയ്ഞ്ച് മുന്‍ സെക്രട്ടറി അബ്ദുസ്സമദ് മുസ്‌ല്യാര്‍ അധ്യക്ഷത വഹിച്ചു. സിയാദ് കേരളപുരം ഉദ്ഘാടനം നിര്‍വ്വഹിച്ചു. സമസ്ത കേരളാ ജംഇയ്യത്തുല്‍ ഉലമാ കൊല്ലം ജില്ലാ പ്രസിഡന്റ് ഷാജഹാന്‍ ഫൈസി മുഖ്യപ്രഭാഷണം നടത്തി.
സമസ്ത കേരളാ മദ്രസാ മാനേജ്‌മെന്റ് അസോസിയേഷന്‍ കൊല്ലം ജില്ലാ ജനറല്‍ സെക്രട്ടറി ഹാജി നിസാമുദ്ദീന്‍, സുന്നി മഹല്ല് ഫെഡറേഷന്‍ കൊല്ലം ജില്ലാ വര്‍ക്കിംഗ് സെക്രട്ടറി അബ്ദുള്ള കുണ്ടറ, അബ്ദുല്‍ജബ്ബാര്‍, ഹനീഫ, അബ്ദുല്‍ഖാദിര്‍ എന്നിവര്‍ സംസാരിച്ചു.
സമസ്തകേരളാ ജംഇയ്യത്തുല്‍ മുഅല്ലിമീന്‍ കരുവാ റെഞ്ച് ജനറല്‍ സെക്രട്ടറി ഷിഹാബുദ്ദീന്‍ മുസ്‌ല്യാര്‍ സ്വാഗതവും നിസാമുദ്ദീന്‍ മുസ്‌ല്യാര്‍ നന്ദിയും പറഞ്ഞു.