ചെന്നൈ: ജയലളിതയുടെ സഹോദരന്റെ മകള്‍ ദീപ പുതിയ പാര്‍ട്ടി രൂപീകരിക്കുന്നു. എ.ഐ.എ.ഡി.എം.കെ സ്ഥാപക നേതാവ് എം.ജി.ആറിന്റെ ശതാബ്ദി ദിനമായ ജനുവരി 17ന് പാര്‍ട്ടി പ്രവര്‍ത്തനം ആരംഭിക്കുമെന്നും എ.ഐ.എ.ഡി.എം.കെ പ്രവര്‍ത്തകര്‍ തന്റെ പാര്‍ട്ടിയെയും പിന്തുണയ്ക്കുമെന്ന് പ്രതീക്ഷിക്കുന്നതായും ദീപ പറഞ്ഞു. ഇവര്‍ പുതിയ പാര്‍ട്ടി രൂപീകരിക്കുമെന്ന് നേരത്തെ തന്നെ അഭ്യൂഹമുണ്ടായിരുന്നതിനാല്‍ വന്‍ ജനാവലിയാണ് അവരുടെ വീടിന് മുന്നില്‍ ഒത്തുകൂടിയത്. നേരത്തെ ഇവര്‍ ജയലളിതയ്ക്ക് പകരക്കാരിയായി രാഷ്ട്രീയത്തിലിറങ്ങുമെന്നും കരുതിയിരുന്നു.
ഇതൊരു പുതിയ യാത്രയാണ്. വരും ദിവസങ്ങളില്‍ പാര്‍ട്ടിയെ സംബന്ധിച്ച് കൂടുതല്‍ കാര്യങ്ങള്‍ പുറത്തുവിടുമെന്ന് ദീപ സൂചന നല്‍കി. അതേസമയം എ.ഐ.എ.ഡി.എം.കെ പ്രവര്‍ത്തകരില്‍ ഒരു വിഭാഗം ദീപയ്ക്ക് പിന്തുണ നല്‍കുന്നുണ്ട്.