വാഷിങ്ടണ്‍: ഫ്‌ളോറിഡയിലെ ഫോര്‍ട്ട് ലോഡര്‍ഡെയില്‍ വിമാനത്താവളത്തിലെ വെടിവയ്പ്പുമായി ബന്ധപ്പെട്ട് പ്രതിയെന്ന് സംശയിക്കുന്ന യുവാവിനെതിരേ പ്രോസിക്യൂഷന്‍ കുറ്റംചുമത്തി. അഞ്ചു പേര്‍ മരിക്കാനും ആറു പേര്‍ക്ക് പരുക്കേല്‍ക്കാനും വെടിവയ്പ്പ് ഇടയാക്കിയിരുന്നു.
എസ്റ്റെബാന്‍ സാന്റിയാഗോ(26)ക്കെതിരെയാണ് കുറ്റം ചുമത്തിയിരിക്കുന്നത്. സാന്റിയോഗോക്ക് വധശിക്ഷ ലഭിച്ചേക്കും. ആക്രമണത്തിന് പിന്നില്‍ ഭീകരാക്രമണ ബന്ധമില്ലെന്ന് അധികൃതര്‍ വ്യക്തമാക്കി. സെമി ഓട്ടോമാറ്റിക് കൈത്തോക്ക് ഉപയോഗിച്ചായിരുന്നു ഇയാള്‍ വിമാനത്താവളത്തില്‍ കൂട്ടക്കൊല നടത്തിയത്.