മുംബൈ: മുംബൈയില്‍ ട്രക്ക് ബൈക്കിലിടിച്ച് രണ്ടു പേര്‍ മരിച്ചു. ബൈക്കില്‍ യാത്ര ചെയ്ത സല്‍മാന്‍ ഖാന്‍ (23) സല്‍മാന്‍ മുഹമ്മദ് (23) എന്നിവരാണ് മരിച്ചത്. വദാലയില്‍ നിന്ന് ചത്രപതി ശിവജി ടെര്‍മിനസിലേക്ക് പോവുകയായിരുന്ന ഇവരുടെ ബൈക്കിലേക്ക് എതിരേ വന്ന് ട്രക്കിടിച്ചു കയറുകയായിരുന്നു.

ഇന്നലെ അര്‍ധരാത്രിയോടെയാണ് സംഭവം. അപകട ശേഷം ട്രക്ക് ഡ്രൈവറും ക്ലീനറും രക്ഷപ്പെട്ടു. പൊലിസ് ട്രക്ക് പിടിച്ചെടുത്ത് ഡ്രൈവര്‍ക്കെതിരേ കേസ് രജിസ്റ്റര്‍ ചെയ്തിട്ടുണ്ട്.