ദോഹ: സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡ് ജനറല്‍ സെക്രട്ടറിയും കേരള ഹജ്ജ് കമ്മിറ്റി ചെയര്‍മാനും സുപ്രഭാതം ദിനപത്രം ചെയര്‍മാനുമായ കോട്ടുമല ബാപ്പു മുസ്‌ലിയാരുടെ നിര്യാണത്തില്‍ ഇന്ത്യന്‍ മുസ്‌ലിം കള്‍ച്ചറല്‍ സെന്റര്‍ ഖത്തര്‍ കമ്മിറ്റി അനുശോചനം രേഖപ്പെടുത്തി.സമുദായ ഐക്യത്തിനും മതസൗഹാര്‍ദത്തിനും വേണ്ടി എന്നും നിലകൊണ്ട വ്യക്തിയായിരുന്നു ബാപ്പു മുസ്‌ലിയാര്‍.

സമസ്തയുടെ നേതൃസ്ഥാനത്തെ നിറസാന്നിധ്യമായിരുന്ന ബാപ്പു മുസ്‌ലിയാര്‍ മാനവികതയ്ക്കു മുന്‍തൂക്കം കൊടുത്ത മതപണ്ഢിതനായിരുന്നു. വിദ്യാഭ്യാസ രംഗത്ത് അദ്ദേഹം നല്‍കിയ സംഭാവനകള്‍ നിസ്തുലമാണ്. അദേഹത്തിന്റെ വിയോഗം സമുദായത്തിന് കനത്ത നഷ്ടമാണെന്ന്് ഐ.എം.സി.സി നേതാക്കളായ ഇല്യാസ് മടനൂര്‍,എം.എം മൗലവി, ബഷീര്‍ നദി, റഷീദ് കാസര്‍കോട്, മുനീര്‍ മേപയ്യൂര്‍ എന്നിവര്‍ അനുശോചന കുറിപ്പില്‍ രേഖപ്പെടുത്തി.