ഗൂഡല്ലൂര്‍: കുന്നൂര്‍ സിംസ് പാര്‍ക്കിന് സമീപത്തെ ഗവ. ഐ.ടി.ഐയില്‍ നിന്ന് 30 ലാപ്‌ടോപുകള്‍ മോഷണം പോയതായി പരാതി.
340 വിദ്യാര്‍ഥികളാണ് ഐ.ടി.ഐയില്‍ പഠിക്കുന്നത്. ഗൂഡല്ലൂര്‍ ഐ.ടി.ഐയിലെ വിദ്യാര്‍ഥികള്‍ക്ക് സര്‍ക്കാര്‍ സൗജന്യമായി നല്‍കാനായി 97 ലാപ്‌ടോപുകളാണ് ഇവിടെ സൂക്ഷിച്ചിരുന്നത്.
അതില്‍ നിന്നാണ് 30 എണ്ണം മോഷ്ടിച്ചിരിക്കുന്നത്. ജനലിന്റെ കമ്പി അറുത്ത് മാറ്റിയാണ് മോഷ്ടാവ് അകത്ത് പ്രവേശിച്ചിരിക്കുന്നത്.
പൊലിസും വിരലടയാള വിദഗ്ധരും സ്ഥലത്തെത്തി പരിശോധന നടത്തി.