മലപ്പുറം: കേരള എന്‍.ജി.ഒ യൂനിയന്‍ 53ാം സംസ്ഥാന സമ്മേളനത്തോടനുബന്ധിച്ചുള്ള കാവ്യസന്ധ്യ നാളെ വൈകീട്ട് 5.30ന് വാരിയന്‍കുന്നത്ത് കുഞ്ഞഹമ്മദ് ഹാജി ടൗണ്‍ഹാളില്‍ നടക്കും.ആലങ്കോട് ലീലാകൃഷ്ണന്‍ ഉദ്ഘാടനം ചെയ്യും. മണമ്പൂര്‍ രാജന്‍ബാബു അധ്യക്ഷനാകും. പി.കെ ഗോപി, എം.എം സജീന്ദ്രന്‍, ഒ.പി സുരേഷ്, ആര്യാഗോപി എന്നിവര്‍ സ്വന്തം കവിത അവതരിപ്പിക്കും. സാഹിത്യ മല്‍സര വിജയികള്‍ക്കുള്ള സമ്മാനം വേദിയില്‍ നല്‍കും. പി. മോഹന്‍ദാസ് സ്വാഗതവും സോഫിയ.പി.ജെയിംസ് നന്ദിയും പറയും.