മുക്കം: 'ദേശസ്‌നേഹം വിശ്വാസത്തിന്റെ ഭാഗം, ശരീഅത്ത് സംരക്ഷണം വിശ്വാസിയുടെ കടമ' പ്രമേയത്തില്‍ എസ്.കെ.എസ്.എസ്.എഫ് ചെറുവാടി ക്ലസ്റ്റര്‍ കമ്മിറ്റി സംഘടിപ്പിക്കുന്ന സമ്മേളനത്തിന് ഇന്ന് തുടക്കമാകും. വൈകിട്ട് നാലിന് ചെറുവാടി ശുഹദാ മഖാം സിയാറത്തോടെ ആരംഭിക്കുന്ന സമ്മേളനത്തില്‍ സമസ്ത മാനേജര്‍ കെ. മോയിന്‍കുട്ടി മാസ്റ്റര്‍ പതാക ഉയര്‍ത്തും.
സമ്മേളനത്തിന്റെ രണ്ടാം ദിനമായ നാളെ രാവിലെ എട്ട് മുതല്‍ പ്രതിനിധി ക്യാംപ് ചെറുവാടിയില്‍ നടക്കും. മൂന്നാം ദിനമായ ഞായര്‍ വൈകിട്ട് നാലിന് റാലി നടക്കും. മഗ് രിബ് നിസ്‌കാരാനന്തരം പൊതുസമ്മേളനം ആരംഭിക്കും. സയ്യിദ് അബ്ബാസലി ശിഹാബ് തങ്ങള്‍ സമാപന സംഗമം ഉദ്ഘാടനം ചെയ്യും. നാസര്‍ ഫൈസി കൂടത്തായി, ഇസ്മാഈല്‍ സഖാഫി തോട്ടുമുക്കം സംബന്ധിക്കും.