തിരുവനന്തപുരം: സ്ത്രീകള്‍ക്കു പ്രാഥമികാവശ്യ നിര്‍വഹണത്തിനു പുറമേ വിശ്രമിക്കുന്നതിനും മുലയൂട്ടുന്നതിനും ഭക്ഷണം നല്‍കുന്നതിനുമടക്കമുള്ള സൗകര്യങ്ങളോടു കൂടിയ ന്യൂ ജനറേഷന്‍ ഇ- ടോയ്‌ലറ്റുകള്‍ വരുന്നു. ഇന്ത്യയിലെ ആദ്യത്തെ ഇ-ടോയ്‌ലറ്റ് നിര്‍മാതാക്കളായ തിരുവനന്തപുരത്തെ ഇറാം സയന്റിഫിക് സൊലൃൂഷന്‍സാണ് 'സ്മാര്‍ട്ട് ഷീ' എന്ന പേരില്‍ ഇ- ടോയ്‌ലറ്റുകളില്‍ പുത്തന്‍ മാതൃക കൊïണ്ടുവരുന്നത്.
രാജ്യത്ത് ആദ്യമായി നവി മുംബൈയില്‍ കഴിഞ്ഞ ദിവസം സ്ഥാപിച്ച സ്മാര്‍ട്ട് ഷീ ഇ-ടോയ്‌ലറ്റുകള്‍ സ്ത്രീകള്‍ക്കിടയില്‍ വലിയ പ്രീതി പിടിച്ചു പറ്റിയതിനെ തുടര്‍ന്നാണ് കേരളം അടക്കമുള്ള സംസ്ഥാനങ്ങളിലേക്ക് ഇത് വ്യാപിപ്പിക്കുന്നത്. ടോയ്‌ലറ്റിനോട് ചേര്‍ന്ന് വിശ്രമ മുറിയും അനുബന്ധ സൗകര്യങ്ങളും ഒരുക്കിക്കൊïണ്ടുള്ള ടോയ്‌ലറ്റാണിത്. വിശ്രമ മുറിയില്‍ കസേര, ഫാന്‍, വാഷ്‌ബേസിന്‍, കണ്ണാടി, കുട്ടികള്‍ക്ക് മുലയൂട്ടുന്നതിനും ആഹാരം നല്‍കുന്നതിനുള്ള സൗകര്യങ്ങള്‍, നാപ്കിന്‍ ലഭ്യമാകുന്ന നാപ്കിന്‍ വെന്‍ഡിങ് മെഷീന്‍, ഉപയോഗിച്ച നാപ്കിന്‍ നശിപ്പിച്ചു കളയുന്നതിനുള്ള നാപ്കിന്‍ ഇന്‍സിനേറ്റര്‍, ഡയപ്പര്‍ മാറ്റുന്നതിനുള്ള സൗകര്യങ്ങള്‍ എന്നിവയെല്ലാം ഉïാകും.
തദ്ദേശസ്വയംഭരണ സ്ഥാപനങ്ങളുമായും മറ്റ് ഏജന്‍സികളുമായും സഹകരിച്ചുകൊണ്ടായിരിക്കും കേരളത്തിലെ വിവിധ നഗരങ്ങളില്‍ 'സ്മാര്‍ട്ട് ഷീ' ഇ-ടോയ്‌ലറ്റുകള്‍ സ്ഥാപിക്കുകയെന്നും അവര്‍ പറഞ്ഞു.