കാട്ടാക്കട: ദലിത് യുവാവിനെ അകാരണമായി കസ്റ്റഡിയില്‍ എടുത്തു മര്‍ദിച്ചുവെന്ന ആരോപണത്തെ തുടര്‍ന്ന് കാട്ടാക്കട എക്‌സൈസ് ഇന്‍സ്‌പെക്ടര്‍ എസ് ശോഭന കുമാറിനെ സ്ഥലം മാറ്റി. എക്‌സൈസ് കമ്മിഷണര്‍ ഋഷിരാജ് സിങാണ് ഇത് സംബന്ധിച്ച് ഉത്തരവിട്ടത് .പത്തനംതിട്ട ജില്ലയിലെ മല്ലപ്പള്ളി എക്‌സൈസ് റെയിഞ്ചിലേക്കാണ് മാറ്റിയത്.
ബുധനാഴ്ച രാവിലെ പത്തു മണിയോടെയാണ് പെരുമ്പഴുതൂര്‍ രാഹുല്‍ (20) നെ കസ്റ്റഡിയില്‍ എടുത്തു എക്‌സൈസ് ഓഫീസില്‍ എത്തിച്ചു ക്രൂരമായി മര്‍ദിച്ചത്. വ്യാപക പ്രതിഷേധമുയര്‍ന്നതിനെ തുടര്‍ന്നാണ് എക്‌സൈസ് കമ്മിഷണര്‍ നടപടിയെടുത്തത്.