കൊടുങ്ങല്ലൂര്‍: മതിലകത്ത് എട്ടാം ക്ലാസ് വിദ്യാര്‍ഥിയെ ബസ്സില്‍ നിന്നും തള്ളിയിട്ടു.പരിക്കേറ്റ വിദ്യാര്‍ഥിയെ ആസ്പത്രിയില്‍ പ്രവേശിപ്പിച്ചു. മതിലകം സെന്റ് ജോസഫ്‌സ് ഹയര്‍ സെക്കന്‍ഡറി സ്‌കൂളിലെ എട്ടാം ക്ലാസ് വിദ്യാര്‍ഥി വള്ളിവട്ടം വാഴക്കാമഠം ഷാനവാസിന്റെ മകന്‍ സല്‍സാദ് (13) നെയാണ് ബസ് കണ്ടക്ടര്‍ തള്ളിയിട്ടത്. ബുധനാഴ്ച വൈകീട്ട് സ്‌കൂള്‍ വിട്ട് വീട്ടിലേക്ക് മടങ്ങും വഴിയായിരുന്നു സംഭവം.
സ്‌കൂളിനടുത്തുള്ള ബസ് സ്റ്റോപ്പില്‍ നിന്നും ബസില്‍ കയറാനൊരുങ്ങിയ വിദ്യാര്‍ഥിയെ ബനാസിനി എന്ന സ്വകാര്യ ബസിലെ കണ്ടക്ടര്‍ തള്ളി വീഴ്ത്തുകയായിരുന്നു. സാരമായി പരുക്കേറ്റ വിദ്യാര്‍ഥി കൊടുങ്ങല്ലൂര്‍ താലൂക്ക് സര്‍ക്കാര്‍ ആസ്പത്രിയില്‍ ചികിത്സയിലാണ്. ബസ് കണ്ടക്ടര്‍ക്കെതിരെ കുട്ടിയുടെ പിതാവ് പൊലിസില്‍ പരാതി നല്‍കിയിട്ടുണ്ട്.